Angliýanyň “Mançester Ýunaýted” topary Italiýanyň “Atalanta” klubunyň wingeri Amad Diallony transfer etdi. Taraplar geçen ýylyň oktýabr aýynda şertnama baglaşmak barada ylalaşyp gazanypdylar. Iňlis kluby 18 ýaşyndaky Kot-d’iwuarly futbolçy bilen 4,5+1 ýyllyk şertnama baglaşdy. Oýunçynyň transfer bahasy barada resmi maglumat berilmedi. Ýöne iňlis metbugatynda çykan habarlara görä, “Ýunaýted” ilki başda “Atalanta” toparyna 19 million funt sterling berer. Topar şertnama laýyklykda ýene-de 18,2 million funt sterlingi italýan toparyna tölär. Amad Diallo “Brexit”-den soň FA-nyň düzgünnamasy boýunça transfer edilen ilkinji futbolçy boldy.
