Golliwud studiýalaryndan garaşsyz surata düşürilen filmleriň iň abraýly sylaglaryndan “Gotham” baýraklarynyň ýeňijileri mälim edildi. Oskar baýragynyň hem esasy dalaşgärleriniň hatarynda görkezilýän “Çarwadarlaryň diýary” (Nomadland) kinosy iň gowy film diýlip saýlandy. Ispan dilindäki “Özboluşly bolmadyklar” (Sin Senas Particulares) kinosy-da iň gowy daşary ýurt film baýragyna laýyk görüldi. Riz Ahmed (“Sound of Metal”) hem-de Nikol Bahari (“Miss Juneteenth”) degişlilikde, iň gowy aktýor we aktrisa baýraklaryna mynasyp boldy. “Tükeniksiz gije” (The Vast of Night) filmi üçin Andrýuw Patterson iň gowy ösüş görkezen režissýor baýragy bilen sylaglandy. 30-njy gezek gowşurylýan “Gotham” baýraklarynda başga-da birnäçe ugurlar boýunça ýeňijiler mälim edildi.
Orazgül KAKAGELDIÝEWA,
S. A. Nyýazow adyndaky Türkmen oba hojalyk uniwersitetiniň talyby.
