Ispaniýanyň Şa Kubogynyň 3-nji tapgyrynda, ýagny 1/16 finalynda garaşylmadyk waka boldy. “Real Madrid” topary myhmançylykda 3-nji liganyň wekili “Alkoýanodan” 2–1 hasabynda utulyp, ýaryşdan çykdy. 45-nji minutda Eder Militaonyň goly bilen öňe saýlanan madridliler 80-nji minutda Solbesiň goluny saklap bilmediler. Esasy wagty 1-1 deňlikde tamamlanan duşuşygyň goşmaça wagtynda Huananyň goly bilen öňe saýlanan “Alkoýano” 2-1 hasabynda ýeňşini baýram etdi. Ätiýaçdaky oýunçylar bilen meýdança çykan “Real Madrid” Şa Kubogynyň taryhynda 5-nji sapar 3-nji liganyň wekilinden asgyn geldi. Olar mundan ozal, 2000/01 möwsüminde “Toledodan”, 2008/09 möwsüminde “Real Uniondan”, 2009/10 möwsüminde “Alkorkondan” hem-de 2015/16 möwsüminde “Kadizden” ýeňlipdi.
