Angliýanyň çempionaty “Premier Liganyň” 22-nji tapgyrynda taryhy netije hasaba alyndy. 2-nji basgançakda barýan “Mançester Ýunaýted” öz meýdançasynda “Southemptony” 9–0 hasabynda ýeňlişe sezewar etdi. 18-nji minutda başlan gol geçirilişik 90-njy minutdan soň tamamlandy. “Ýunaýtedde” 7 oýunçy tapawutlanyp (rekord görkeziji), biri 2 gol geçirdi, beýleki gol hem awtogol hökmünde hasaba alyndy. Gollaryň 4-si 1-nji, 5-si 2-nji ýarymda derwezä girizildi. “Mançester Ýunaýtede” ýeňiş getiren gollary Wan-Bissaka (18), Reşford (25), Bednarek (34, ö.d.), Kawani (39), Marsial (69, 89), Maktomineý (71), Bruno Fernandeş (88 p) hem-de Jeýms (90+4) öz atlaryna ýazdyrdylar. Duşuşykda “Southempton” toparynyň 2 futbolçysy gyzyl kart aldy (Ýankewits 2, Bednarek 86). Şeýlelikde, “Mançester Ýunaýted” “Premier Liganyň” rekordyny gaýtalady. Mankunianlar 1995-nji ýylda-da “Ipswiç Tauny” öz meýdançasynda 9–0 ýeňipdi. Şeýle-de “Southempton” bassyr 2-nji möwsümde 9–0 hasabynda utuldy. Topar 2019-njy ýylyň oktýabrynda-da “Lester Siti” toparyndan 9–0 ýeňlipdi. “Southempton” toparyna şol möwsümde-de häzirki tälimçisi Ralf Hasenhuttl tälim berýärdi.
