Italiýanyň Kubogy ýaryşynda ýarym finalyň 1-nji duşuşygynda “Ýuwentus” myhmançylykda “Interden” Ronaldonyň gollary (26 p, 35) bilen 2–1 üstün çykdy. “Interiň” ýeke-täk goluny-da 9-njy minutda Lautara Martines derwezä girizdi. Duşuşykda “Ýuwentusyň” derwezesini goran Janluiji Buffon karýerasyny boýunça 1100-nji gezek meýdança çykdy. Bu onuň “Ýuwentusdaky” 679-njy duşuşygydyr. Golaýda 43 ýaşyny dolduran weteran derwezeçi “Parmada” 220, PSŽ-de 25 hem-de milli ýygyndyda 176 oýun oýnady.
“Ýuwentus” bilen “Interiň” arasyndaky jogap oýny 9-njy fewralda oýnalar. Şeýle-de, Italiýanyň Kubogy ýaryşynyň beýleki ýarym finalynda şu gün “Napoli” öz meýdançasynda “Atalantany” kabul eder.
