“Aýaks” topary bilen baglanyşykly oňaýsyz habarlar yzly-yzyna gelýär. Onananyň 12 aýlyk jerime almagyndan soň, toparyň janköýerlerini gynandyrjak ýene bir habar peýda boldy. Toparyň ýanwar aýynda düzümine goşan futbolçysy Sebastian Halleriň Ýewropa Ligasynyň duşuşyklarynda kluba kömegi degmez. Sebäbi klubuň degişli ýolbaşçylary 26 ýaşyndaky kot-d’Iuwarly futbolçynyň adyny ýalňyşlyk bilen sanawa ýazmandyrlar. Wagtyň dolmagyndan soň sanawa goşmak üçin klub tarapyndan edilen tagallalar bolsa oňyn netijesini bermedi. Haller ýanwar aýynda “Aýaks” bilen 4,5 ýyllyk şertnama baglaşdy.
