Gazagystanyň Prezidentiniň ýanyndaky özgertmeler boýunça ýokary geňeşiň kararyna görä, ýurta şu ýylyň oktýabr aýynda ilat ýazuwy geçiriler. Bu barada Strategik meýilnamalaşdyryş we özgertmeler gullugynyň başlygy Kairat Kelimbetow habar berdi. Gazagystanda ilat ýazuwy 2020-nji ýylyň oktýabr aýynda geçirilmelidi, ýöne pandemiýa sebäpli bir ýyl yza süýşürildi. Gazagystanyň Strategik meýilnamalaşdyryş we özgertmeler gullugynyň Milli statistika býurosynyň habaryna görä, 2020-nji ýylyň 1-nji dekabrynda ýurduň ilaty takmynan 18,9 million adama deňdi.
