Hytaýyň “Xiaomi” kompaniýasy HD ekranly “Mi Handheld Vacuum Cleaner G10” atly tozan sorujyny satuwa çykardy. Minutda 25 müň aýlaw edýän motory bolan enjamyň adatylardan tapawudy bolsa HD durulygynda reňkli TFT ekranynyň bolmagydyr. Ekran peýdaly maglumatlar, hususan-da häzirki işleýiş tertibini, batareýanyň ýagdaýyny we beýleki aýratynlyklary görkezmek üçin niýetlenipdir. Mundan başga-da bu tozan sorujy dürli halylaryň ýa-da pollaryň materiallaryny awtomatik kesgitläp, olary haýsy usulda arassalamalydygyny sazlaýar. Tozan sorujynyň 3000 mA/sagat güýji bolan batareýasy hem bar. Şeýlelikde enjam toga birikdirilmezden hem işläp bilýär. Enjam bir gezekki zarýady bilen 65 minutişleýär. “Xiaomi Handheld Vacuum Cleaner G10””-yň bahasynyň 296 dollardygy mälim edildi.
