“Xiaomi”, “Mijia” ady bilen akylly öý enjamlarynyň täze önümüni hödürledi. “Mijia Smart Steam Oven 12L Smart Electric Oven” atly “akylly” howurpeç 17-nji martda internet arkaly satuwa çykarylar. Bahasy 46 dollar bolan howurpeç kiçidigine garamazdan, tost, pizza, biskwit ýa-da kebap ýaly önümleri bişirmek üçin köp funksiýalary özünde jemleýär. Iň ýokary kuwwaty 1300 Wt-a deň bolan peç gaty çalt gyzýar. Öň tarapynda wagty we temperaturany görkezýän kiçijik ekran bar. Temperatura gözegçiligi we iýmitiň bişýän wagtyny smartfon arkaly uzakdan dolandyryp ýa-da ýörite programmasy arkaly amala aşyryp bolýar.
