Türkmenistandaky
iň iri gurluşyk we hojalyk
harytlarynyň söwda
merkezler toplumy
575555 / 575757 / 575553

Dü­zü­min­de be­lok­la­ryň köp­dü­gi se­bäp­li kö­me­lek­ler iň ýo­kum­ly iý­mit­le­riň bi­ri ha­sap­la­nyl­ýar. Şeý­le bo­lan­soň bu iý­mit we­ge­ta­ri­an­lar üçin hem gym­mat­lydyr. Te­bi­gy ýag­daý­da bit­ýän hem-de me­de­ni usul­da ös­dü­ri­lip ýe­tiş­di­ril­ýän kö­melek­den dür­li ta­gam­lar taý­ýar­lan­ylýar. Bu ma­ka­la­myz­da kö­me­lek­den taý­ýar­lap bol­jak kä­bir ta­gam­la­ryň bi­şi­ri­li­şi ba­ra­da­ky mag­lu­mat­la­ry­ si­ze ýe­tir­ýä­ris:
Süýt­li kö­me­lek çor­ba­sy
Kö­me­lek bi­len süý­düň bir­leş­me­gi ne­ti­je­sin­de örän süý­ji ta­gam eme­le gel­ýär. Bu çor­ba­ny taý­ýar­la­mak üçin il­ki bi­len di­ri kö­me­le­gi, dört­burç ke­si­len so­ga­ny, po­mi­do­ry ma­za­ly gow­rup, az muk­dar­da suw­da gaý­na­dyň! Su­wu­ny bi­raz çe­ke­nin­den soň üs­tü­ne bir bul­gur süýt gu­ýup, 45 mi­nutlap ýa­rym ot­da gaý­na­dyň! Bu ta­ga­m, esa­san hem, ça­ga­laryň ýa­dy­nyň go­wu­lan­ma­gynda, beý­ni­si­niň kä­mil­leş­me­gin­de äh­mi­ýe­tli bolan B wi­ta­mi­ni­ni dü­zü­min­de sak­la­ýar. Uly ýaş­da­ky­lar üçin bu çor­ba­nyň peý­da­ly ta­ra­py ba­ra­da aý­da­ny­myz­da bol­sa, ýü­rek ke­sel­le­ri­niň öňü­ni al­ma­ga, şeý­le hem ýa­daw­ly­gy aýyr­ma­ga ýar­dam ber­ýär.
Bi­şi­ri­len peý­nir­li kö­me­lek
Kö­me­le­gi gaý­na­dyp, bug­lap ýa-da ýag­da gy­zar­dyp bi­şi­rip bol­ýar. Şeý­le hem bu iý­mit ho­wur­peç­de taý­ýar­lan­ýan ta­gam­la­ra hem go­şul­ýar. Az muk­dar­da ys­ly ot­lar bi­len taý­ýar­lap bol­jak bu na­ha­ry hem sy­nap gö­rüň! Tiz wagt­da taý­ýar­lan­ýan bu na­ha­ry bi­şir­mek üçin di­ri kö­me­lek­le­ri kes­män ma­za­ly ýu­wup, il­ki aý­ra­tyn bir gap­da is­le­gi­ňi­ze gö­rä duz­lap ga­ra we gy­zyl bur­ça ýa­tyr­ma­ly. Du­zy al­şan­dan soň­ra onuň üs­tü­ni peý­nir bi­len ör­tüp, 180 de­re­je gyz­gyn­lyk­da ýa­rym sa­gat goý­ma­ly. Taý­ýar bo­lan ta­ga­my­ňy­za is­le­gi­ňi­ze gö­rä be­zäp, sa­ça­gy­ňy­za alyp bi­ler­si­ňiz.
Ýe­ral­ma­ly kö­me­lek
Baş­ga na­har taý­ýar­la­ma­ga wag­ty­ňyz çäk­li bol­sa, ýe­ral­ma bi­len kö­me­legi bug­la­ma gör­nü­şin­de taý­ýar­lap bi­ler­si­ňiz. Bu na­ha­ry taý­ýar­la­mak üçin ýe­ral­ma we kö­me­lek ýe­ter­lik­dir. Şeý­le-de bol­sa is­le­se­ňiz dür­li şe­kil­le­ri ýa­sap ýa-da is­le­gi­ňi­ze gö­rä möw­süm­le­ýin gök önüm­le­ri di­lim­läp go­şup bi­ler­si­ňiz.
Iş­däa­çar
Kö­me­lek di­ňe na­ha­ra go­şul­man, olar iş­däa­çar­la­ry taý­ýar­la­mak­da hem ula­nyl­ýar. Mu­nuň üçin 10-12 sa­ny ge­lin kö­me­lek, bir gy­zyl, bir ýa­şyl bol­gar burç, iki sa­ny duz­la­nan hy­ýar, gök ot, bir na­har çem­çe­si sir­ke, bir çaý çem­çe­si zeý­tun ýa­gy, bir so­gan, is­le­ge gö­rä duz ge­rek.
Taý­ýar­la­ny­şy: Ma­za­ly ýu­wlan kö­me­lek­le­ri suw­da 10-15 mi­nut gaý­na­dyň! Gaý­na­dy­lan kö­me­lek­le­ri sü­züň we in­çe­jik di­lim­läň! Ýa­şyl we gy­zyl burç­la­ry dört­burç gör­nüş­de bö­lek­läp az-az­dan go­wu­ryň, is­le­se­ňiz, ola­ryň ga­by­gy­ny aý­ryp hem bi­şi­rip bi­ler­si­ňiz. So­ga­ny, duz­la­nan hy­ýar­la­ry, oty in­çe­jik edip ke­siň! Gow­ru­lan burç­lar so­wan­soň, ow­nuk ke­si­len hy­ýar­la­ry, so­ga­ny, oty, şeý­le hem di­lim­le­nen kö­me­lek­le­ri bir ta­ba­ga sa­lyp, zeý­tun ýa­gy­ny, du­zy se­pip ma­za­ly gar­yň! Bäş-on mi­nut de­mi­ni alan iş­däa­ça­ry­ňy­zy dat­ly des­ter­ha­ny­ňy­za alyp bi­ler­si­ňiz. Sa­çak­la­ry­ňyz he­mi­şe be­re­ket­den do­ly bol­sun!

Aýgül Açylowa,
Seýitnazar Seýdi adyndaky
TDMI-niň talyby.