Angliýanyň Liga Kubogynyň (EFL Cup) finalynda “Mançester Siti” bilen “Tottenham” toparlary duşuşdy. “Wembley”-de oýnalan duşuşykda “Mançester Siti” 1-0 hasabynda ýeňiş gazanyp, bassyr 4-nji, umumylykda-da 8-nji gezek bu kuboga mynasyp boldy. “Mançester Siti” toparyna ýeňiş getiren ýeke-täk goly 82-nji minutda Aýmerik Laporte öz adyna ýazdyrdy. Şeýlelikde, “Mançester Siti” bu kubogy yzly-yzyna 4 gezek eýelän ikinji topar boldy. Ondan öň 1980-1984-nji ýyllarda “Liwerpul” yzly-yzyna 4 sapar bu ýaryşyň ýeňijisi bolupdy. “Mançester Sitiniň” tälimçisi Pep Guardiola bolsa, karýerasyndaky 30-njy kubogyny asmana göterdi, Tejribeli tälimçi karýerasy boýunça her 23 oýunda 1 kubok gazanýar.
Soňky gezek 2008-nji ýylda kubok gazanan “Tottenham” topary ýene bir finalda boş gaýtdy.
