Portugaliýanyň çempionaty Liga NOS-da (Premeira Liga) möwsümiň tamamlanmagyna 2 tapgyr galanda, paýtagt Lissabonyň “Sporting” kluby çempionlygyny yglan etdi. 32-nji tapgyrda öz meýdançasynda “Boawiştany” Paulinionyň 36-njy minutdaky goly bilen 1-0 ýeňen “Sporting” 19 ýyldan soň 19-njy çempionlygyny gazandy. 32 oýny ýeňlişsiz tamamlan “Sporting” Portugaliýanyň çempionatynda ýeňlişsiz çempion bolan 3-nji klub boldy. Ondan öň “Benfika” (1972/73) bilen “Porto” (2010/11) hem çempionaty ýeňlişsiz çempionlyk gazanypdy.
Şu möwsümde 57 gol geçirip, 15 goly derwezesine goýberen “Sporting” topary “Portodan” 8 utuk öňe saýlanyp çempionlygyny gazandy. “Sporting” soňky gezek 2001/02 möwsüminde çempion bolupdy. “Sporting” çempionlyk gazanmakda “Benfika” (37) we “Portodan” (29) soň 3-nji ýerde barýar.
