29-njy maýda oýnaljak UEFA Çempionlar ligasynyň final duşuşygynda jürlewük çaljak emin mälim edildi. Stambuldaky Atatürk stadionynda oýnalmagyna garaşylýan finalda iki iňlis kluby “Mançester Siti” bilen “Çelsi” duşuşar we çekeleşikli bolmagyna finala ispaniýaly Antonio Miguel Mateu Lahoz eminlik eder. “El Klasikoda” hem ençeme gezek jürlewük çalan 44 ýaşynda eminiň ilkinji Çempionlar ligasy final duşuşygy bolar. 2011-nji ýyldan bäri bu ýaryşda eminlik edip gelýän Lahoz şu möwsümde 6 Çempionlar ligasy duşuşygynda jürlewük çaldy. 2019-njy ýyldaky finalda 4-nji emin bolan Lahoz şu möwsümde “Bawariýa”–PSŽ duşuşygyna eminlik edipdi.
* * *
26-njy maýda çarşenbe güni Polşanyň Gdansk şäheriniň adybir stadionynda Wilýarreal bilen Mançester Ýunaýted toparlarynyň arasyndaky UEFA Ýewropa Ligasynyň finalyna-da franiýaly Klemen Turpen eminlik eder. 38 ýaşyndaky Turpen 2018-nji ýyldaky “Real Madrid”-“Liwerpul” UEFA Çempionlar ligasy finalynda 4-nji emin bolupdy. UEFA-nyň “A” derejeli eminleriniň biri bolan Turpeniň ady hem edil Lahoz ýaly EURO 2020-niň eminleriniň hatarynda hem bar.
Iki final duşuşygy hem Aşgabat wagty bilen 00:00-da başlar.
