Fransiýanyň çempionatynda soňky tapgyrda “Anže” toparynyň Dewid we Burak Ýylmazyň (p) gollary bilen 2-1 hasabynda ýeňen “Lill” 10 ýyldan soň 4-nji çempionlygyny gazandy. PSŽ-den bir utuk öňe saýlanan “Lill” mundan ozal, 1945/46, 1953/54 hem-de 2010/11 möwsümlerinde çempion bolupdy. 3 ýyldan bäri çempion bolup gelýän we soňky 9 ýylda 7 çempionlyk gazanan PSŽ kümüş medal bilen kanagatlanmaly boldy. “Monako” topary bolsa çempionaty bürünç medal bilen tamamlap, Çempionlar ligasyna saýlama tapgyrlaryndan gatnaşmaga hukuk gazandy. Öz meýdançasynda “Nissadan” 3-2 utulan “Lion” 4-nji ýeri eýeledi we geljek möwsümde Ýewropa ligasynda çykyş eder.
