Germaniýanyň futbol federasiýasy milli ýygyndynyň tälimçiligi wezipesinde Hans-Diter Fligiň bellenendigini habar berdi. Ol Ýewropa çempionatyndan soň wezipesini taşlajak Ýoahim Löwüň ornuna bu wezipä bellener. Golaýda Bawariýadaky wezipesini taşlan Hansi Flik milli ýygyndy bilen 3 ýyllyk şertnama baglaşdy. 2019-njy ýylyň noýabrynda Bawariýanyň tälimçiligine bellenen Flik nemes klubuna gysga wagtda 2-si Bundesliganyň, biri Çempionlar ligasynyň kubogy – jemi 6 kubok gazandyrdy. Flik 2014-2017-nji ýyllar aralygynda-da Germaniýanyň milli ýygyndysynda Löwüň kömekçisi bolup işläpdi. Fligiň transfer meseleleri boýunça toparyň sport direktory Hasan Salihamidziç bilen düşünişip bilmändigi sebäpli Bawariýadan gaýdandygy bellenilýär.
Ýeri gelende aýtsak, 2024-nji ýyldaky Ýewropa çempionaty Germaniýada geçiriler.
