Pandemiýa sebäpli Stambuldan alnyp, Portugaliýanyň Porto şäherinde berlen UEFA Çempionlar ligasynyň finalynda meşhur aýdymçylar Selena Gomez, Khalid hem-de Marshmello dagy çykyş ederler. Ady agzalan dünýä belli ýyldyzlar “Dragao” stadionynda “Mançester Siti” bilen “Çelsiniň” arasynda oýnaljak finaldan öň janköýerlere hem-de tomaşaçylara kiçeňräk şou-konsert bererer. Konsertiň 10 minut töweregi wagtlap dowam etmegine garaşylýar. Duşuşyga 16500 janköýer alnar. Çempionlar ligasynyň taryhyndaky 3-nji iňlis finalyna ispaniýaly Mateo Lahoz eminlik eder. Futbol janköýerleriniň sabyrsyzlyk bilen garaşýan final duşuşygy ýagny ertir, 29-njy maýda, şenbe güni ýarygijede, Aşgabat wagty bilen 00:00-da başlar.
