UEFA Çempionlar ligasynyň 66-njy finaly – “Mançester Siti” bilen “Çelsiniň” arasyndaky aýgytlaýjy duşuşyk ertir “Dragao” stadionynda oýnalar. Aşgabat wagty bilen ýarygijede, ýagny şenbe güni 29-njy maýda 00:00-da başlanjak oýna ispaniýaly Antonio Mateo Lahoz eminlik eder. Duşuşyk dünýäniň ençeme ýurdunda onlarça teleýaýlym arkaly futbol janköýerleriniň dykgatyna ýetiriler. Köpleriň sabyrsyzlyk bilen garaşýan duşuşygy ýurdumyzda giňden ýaýbaňlandyrylan IPTV-de bar bolan Russiýanyň “Match!”, “Match futbol 1”, Täjigistanyň “Varzish”, “Football”, şeýle-de, Azerbaýjanyň “CBC Sport” teleýaýlymlarynda göni ýaýlymda efire berler. Bulardan başga-da birnäçe kanal arkaly görkeziler. Bu barada UEFA-nyň resmi saýty “uefa.com” habar berýär.
