«Samsung» kompaniýasy çarçuwasynyň we ýüzüniň reňkini üýtgedip bolýan «akylly» telewizoryny köpçülige tanyşdyrdy. «Frame TV 2021» atly telewizoryň ölçeginiň bäş görnüşlisi bar. Ozalkylardan has ýuka bolan bu telewizor öçük wagty ýüzünde dürli owadan suratlar peýda bolýar. Onuň çarçuwasynyň reňki we şekili kartina meňzeýär.
Bu telewizoryň 43 dýuýmdan 75 dýuýma çenli aralykda bolan dürli ölçegdäki görnüşleri bar. 4K QLED ekranly telewizor ýokary durulykda şekil hödürleýär. Telewizoryň 1 müň 400 sany sungat eserinden, ýagny diwardan asylýan owadan suratlaryndan birini saýlap bolýar. «Wi-Fi», «Bluetooth» ýaly baglanyşyk aýratynlyklary bolan telewizoryň bahasy 849 dollardan başlaýar. Aýratynlykda satylýan çarçuwasy üçin 135 dollar baha kesgitlenipdir.
Meýlis GARLYÝEW,
Türkmen döwlet binagärlik-gurluşyk institutynyň talyby.
