Ýewropa çempionatynda 1/8 finala çykan toparlar tamamlanyp barýar. “B” we “C” toparçalarynyň duşuşyklary tamamlandy.
“B” toparçada Belgiýanyň ýygyndysy Finlýandiýany 2-0 hasabynda ýeňip, ýeňlişsiz 9 utuk bilen 1/8 finala çykdy. Belgiýa ýeňiş getiren gollary Hradeçkiý (74 ö.d.) bilen Lukaku (81) öz atlaryna ýazdyrdylar.
Toparçanyň beýleki oýnunda-da Daniýanyň ýygyndysy Kopengagende Russiýanyň ýygyndysyny 4-1 hasabynda ýeňlişe sezewar etdi. Danlaryň gollaryny Damsgor, Poulsen, Kristensen hem-de Mehle derwezä girizdi. Ruslaryň ýeke-täk goluny-da penaltiden Artýom Dzýuba öz adyna ýazdyrdy. Bu olaryň ilkinji 3 ýeňşi bolup, gol aratapawudy boýunça öňe saýlanan Daniýa 2 gezek ýeňiş gazanan Finlýandiýadan hem-de Russiýadan tapawutlanyp, 1/8 finala çykdy. Finlýandiýa Daniýany 1-0, Russiýa Finlýandiýany 1-0, şeýle-de Daniýa Russiýany 4-1 ýeňdi. Bu hasaplara görä, utuklary deň bolan 3 ýygyndynyň gol aratapawudyna seredilip, Daniýanyň ýygyndysy +1 aratapawut bilen ýaryşy dowam etdirmäge hukuk gazandy. Daniýanyň ýygyndysy Ýewropa çempionatynda birinji 2 duşuşygynda utulybam ýaryşy dowam etdiren ilkinji topar boldy.
