Birküç ýyldan bäri kriptowalýutalara bolan gyzyklanma barha artýar. Ulanylmagynyň aňsatlygy sebäpli walýutanyň bu görnüşine köp adamyň ünsüni çekýär. Emma belli bir kadalaşdyryjy merkeziniň bolmazlygy, köp sanly kriptowalýutanyň ýüze çykmagy oňa bolan ynamy azaldýar. Şol sebäpli dürli ýurtlarda walýutanyň bu görnüşini kadalaşdyryjy we çäklendiriji düzgünleri girizýärler. Ýewropa Bileleşigi bolsa, resmi pul birligi bolan ýewronyň sanly görnüşini çykarmagy maksat edinýär. Bu barada Ýewropa Bileleşiginiň dolandyryjylar geňeşiniň agzasy Fabio Panetta maglumat berdi. Panetta sanly puluň geljekki bäş ýylyň dowamynda taýýar boljakdygyny belledi. Ýewropa Bileleşigi sanly ýewronyň çykaryljakdygyny geçen ýylyň noýabrynda mälim edipdi.
