Toparçadaky oýunlary tamamlanan Ýewropa çempionaty iki günlük arakesmeden soň utulan-çykdy, ýagny pleý-off tapgyrlary bilen dowam eder. Ikinji tapgyryň, has takygy, 1/8 finalyň ilkinji 2 duşuşygy şu gije oýnalar.
Ilkinji duşuşyk öz toparçalarynda 2-nji orny eýelänleriň – Uels bilen Daniýanyň arasynda bolar. Iki topar mundan ozal 10 gezek özara duşuşdylar. Şolaryň 6-synda Daniýa, 4-sinde Uels ýeňiş gazandy. Gollarda 12-9 Daniýa öňde. Niderlandlaryň paýtagty Amsterdamdaky Johan Cruyff Arena stadionynda oýnaljak oýun Aşgabat wagty bilen 21:00-da başlar.
Günüň 2-nji duşuşygy Italiýa bilen Awstriýanyň arasynda bolar. Aşgabat wagty bilen 00:00-da başlanjak oýun Londondaky Wembley stadionynda oýnalar. Iki topar mundan öň 35 gezek gabatlaşdylar. Şolarda Italiýa 16, Awstriýa 11 gezek ýeňiş gazandy. 8 oýun deňlikde tamamlanyp, gollarda 50-46 Awstriýa öňde.
