“Sotheby’s” auksion öýi geljek aý satuwa çykarjak gymmat bahaly göwherinde töleg hökmünde “bitcoin” we “ether” kriptowalýutalaryny kabul etjekdigini mälim etdi. Satuwa çykaryljak 101 karatlyk daşyň 10-15 million dollar aralygynda satylmagyna garaşylýar. “The Key 10138” atly armyt şekilli göwher himiki taýdan örän arassa we dury hasaplanýar. Şol sebäpli munuň gaty seýrek duş gelýän daşdygy mälim edildi. Göwher 9-njy iýulda Gonkongda auksiona hödürlener.
Kompaniýa mundan ozal, maý aýynda “Banksy” eseriniň satuwynda we iýunyň başynda “CryptoPunk” satuwynda töleg hökmünde kriptowalýuta kabul edipdi.
