Ýewropa çempionatynda soňky çempion Portugaliýanyň ýygyndysy 1/8 finalda ýaryşdan çykdy. Belgiýa bilen duşuşan portugallar 1-0 hasabynda asgyn geldi. Belgiýanyň ýygyndysyna ýeňiş getiren ýeke-täk goly 42-nji minutda Torgan Hazar uzakdan,batly owadan urgy bilen derwezä girizdi. Şunlukda, 1-0 hasabynda utulan soňky çempion Portugaliýa üçin Ýewropa çempionaty tamamlandy. Kubogy 5 ýyl özünde saklan portugallar bu duşuşykda 5-si takyk, jemi 24 urgy geçirdiler. Diňe bir takyk urgy bilen ýeňiş gazanan Belgiýanyň ýygyndysy çärýek finalda başga bir güýçli topar Italiýanyň ýygyndysy bilen duşuşar. 8-nji gezek gatnaşan Portugaliýanyň ýygyndysy ilkinji gezek çärýek finaldan öň ýaryşdan çykdy.
