Ýewropa çempionatynyň ýarym final we final duşuşyklarynyň eminleri mälim edildi. Şoňa görä, ertirki Italiýa-Ispaniýa ýarym final duşuşygynda germaniýaly Feliks Bryh jürlewük çalar. Bu onuň 16-njy Ýewropa çempionatyndaky 5-nji duşuşygy bolar.
Çarşenbe güni Angliýa bilen Daniýanyň arasyndaky ýarym finalda-da Niderlandlardan Danni Makkelie jürlewük çalar. Ol şu çempionatda açylyş duşuşygynda, Finlýandiýa-Russiýa, şeýle-de iňlisleriň ýeňşi bilen tamamlanan Angliýa-Germaniýa oýnuna eminlik edipdi. Bu onuň çempionatdaky 4-nji duşuşygy bolar.
11-nji iýuldaky finalyň emini bolsa, Niderlandlardan başga bir emin – Býorn Kuipers diýlip yglan edildi. 48 ýaşyndaky Kuipersiň jürlewük çaljak soňky Ýewropa çempionaty bolar. Ol şu çempionatda Daniýa-Belgiýa, Slowakiýa-Ispaniýa, Çehiýa-Daniýa duşuşyklaryna eminlik edipdi.
