Ispaniýanyň soňky çempiony “Atletiko Madrid” topary italýan kluby “Udinezeniň” argentinaly ýarymgoragçysy Rodrigo de Pauly transfer etdi. Madrid şäheriniň wekili 27 ýaşyndaky oýunçy 5 ýyllyk şertnama baglaşdy. “Atletiko” oýunçynyň transfer bahasy üçin “Udineze” toparyna 35 million ýewro berer. Argentinanyň ýygyndysy bilen tangoçylaryň Kopa Amerikada çempionlyk gazanmagynda uly rol oýnady. Hatda ol finalda Di Mariýanyň geçiren ýeke-täk golunyň pasyny hem beripdi.
“Udineze” topary De Pauly 2016-njy ýylda “Walensiýadan” 3 million ýewro transfer edipdi. Ol “Udineze” 184 oýunda 34 gol geçiripdi. De Paul bilen “Milan” hem gyzyklanýardy.
