UEFA 16-njy Ýewropa çempionatynda gatnaşan toparlara umumylykda 775,5 million ýewro pul baýragyny berdi. Iň köp puly baýragyna çempion Italiýanyň ýygyndysy gazandy. 34 million ýewro pul baýragy bilen sylaglanyldy. Bu şu çempionatda bir toparyň alyp biljek iň ýokary mukdardaky pul sylagydyr. Finalçy iňlislere 30,25 million ýewro, ýarym finalçylar Ispaniýa 22,5 million hem-de Daniýa 21 million ýewro berildi. Gatnaşan her topara 9,25 million ýewro berlip, onuň mukdary toparçalarda gazanylan her ýeňiş 1,5 million (deňlik üçin 750 müň ýewro) artýar. Şeýle-de her tapgyra çykylanda-da ozal bellenen mukdarda toparlaryň kassasyna girýän pul mukdary artdyrylýar. Şoňa görä, ýeke gezek hem ýeňiş gazanyp görmedik iki ýygyndy Türkiýe bilen Demirgazyk Makedoniýa iň az pul mukdary, gatnaşan her topara berilýän başlangyç mukdary – 9,25 million ýewro bilen sylaglanyldy.
Italiýa – 34 million ýewro
Angliýa – 30,25 million ýewro
Ispaniýa – 22,5 million ýewro
Daniýa – 21 million ýewro
Belgiýa – 19 million ýewro
Çehiýa – 16,75 million ýewro
Şweýsariýa – 16,75 million ýewro
Ukraina – 16 million ýewro
Niderlandlar – 15,75 million ýewro
Şwesiýa – 15 million ýewro
Awstriýa – 14,25 million ýewro
Fransiýa – 14,25 million ýewro
Portugaliýa – 13,5 million ýewro
Horwatiýa – 13,5 million ýewro
Germaniýa – 13,5 million ýewro
Uels – 13,5 million ýewro
Finlýandiýa – 10,75 million ýewro
Slowakiýa – 10,75 million ýewro
Russiýa – 10,75 million ýewro
Wengriýa – 10,75 million ýewro
Polşa – 10 million ýewro
Şotlandiýa – 10 million ýewro
Türkiýe – 9,25 million ýewro
Demirgazyk Makedoniýa – 9,25 million ýewro
