UEFA Çempionlar ligasynda çykyş etjek soňky 6 topary kesgitleýän pleý-off tapgyrynyň birinji oýunlarynyň 3-si düýn oýnaldy. Moldowanyň Şeriff topary öz meýdançasynda Dinamo Zagrebi 3-0 hasabynda ýeňlişe sezewar etdi. Tiraspol şäheriniň toparyna ýeňiş getiren gollary Adama Traore bilen Dimitris Kolowos derwezä girizdi. Jogap duşuşygynda Dinamo Zagreb özüne gerekli hasap bilen ýeňiş gazanyp bilmese, onda Şeriff Tiraspol topary Çempionlar ligasyn toparçalarynda çykyş etjek täze topar bolar.
Düýnki oýunlaryň birinde Şahtýor Donesk myhmançylykda Fransiýanyň güýçli kluby Monakony Pedrinionionyň ýeke-täk goly bilen 1-0 hasabynda ýeňip, bir ädim öňe saýlandy.
Awstriýada Red Bull Salsburg Daniýanyň Brondbýu toparyny myhmanlaryň 1-0 öňe saýlanandygyna garamazdan, 2-1 hasabynda ýeňdi.
Şu gije Ýang Boýs-Ferenswaroş, Benfika-PSW, Malmö-Ludogores Razgrad duşuşyklary oýnalar.
Pleý-off tapgyrynyň jogap doýunlary 24-25-nji awgustda oýnalar.
