Şu gün ýurdumyzyň wise-çempiony “Ahal” futbol kluby AFK Kubogynyň çäklerinde Özbegistanyň “Nasaf” topary bilen duşuşar. Merkezi Aziýa sebitiniň finaly bolan bu oýun Garşy şäheriniň Merkezi stadionynda oýnalar. Duşuşyk Aşgabat wagty bilen 20:00-da başlanar. Oýna Saud arabystanyly Muhammed Hled Al Hoiş eminlik eder. Ýeňiş gazanan topar Inter zolagynyň finalynda Hindistanyň “ATK Mohun Bagan” topary bilen duşuşar. Bu duşuşyk 22-nji sentýabrda oýnalar. Bu oýnuň ýeňijisi-de AFK Kubogynyň finalynda çykyş eder. Ildeşlerimize bu günki oýunda uly üstünlikler ýaran bolsun.
