Ispaniýanyň Real Madrid topary Kilian Mbappeniň transferini amala aşyrmak üçin tagalla baryny edýär we ahyry golaýlap barýan transferinde resmi netijeler ýüze çykyp başlady. Madridliler PSŽ toparyna ilkinji resmi teklibini, fransiýaly ýyldyzy 160 million ýewro transfer edip biljekdiklerini mälim etdiler. Ýöne garaşylyşy ýaly PSŽ, elbetde, bu mukdar bilen ylalaşmady. Gysga wagtyň içinde Realyň şol mukdary ýokarlandyryp, ýene bir teklip bermegine garaşylýar. Mahlasy Real Madrid transfer möwsüminiň tamamlanmagyna az wagt galanda, Mbappeniň transferini tamamlamakçy bolýar.
