Awstraliýada geçirilen täze barlagda global howanyň üýtgemeginiň haýwanlaryň beden agzalaryna täsir edip biljekdigini ýüze çykardy. Barlagyň netijesine görä, howanyň ýylamagy dünýädäki haýwanlaryň gulaklarynyň, tumşugynyň we guýrugynyň has uly bolmagy mümkin. Alymlar onlarça ýyl bäri haýwanlaryň global ýylylyga nädip uýgunlaşýandygyny öwrendiler. Olaryň köpüsi täze ýylylyk derejesinden gaça durmak we bedeniniň gyzgynlygyny kadalaşdyrmak üçin köpeliş we göçüş usullaryny üýtgetdiler. Barlag geçiren alymlar görnüşleriň üçden biriniň ýok bolmak howpunyň bardygyny aýtdy. Awstraliýada geçirilen gözlegde Joel Asaf Alleniň 1877-nji ýylda öňe süren biologik düzgüniniň we umuman sowuk howa şertlerine uýgunlaşan haýwanlaryň yssy howa şertlerine uýgunlaşan haýwanlara garanyňda has gysga aýaklarynyň we beden goşundylarynyň bardygyny mälim etdi. Alymlar täze gözleglerde global ýylylyga jogap hökmünde, esasan hem, Awstraliýanyň Arktikadan tropiki sebitlerinde agzalaryň ululygynyň üýtgemeginiň “giňden ýaýran subutnamalaryny” tapandyklaryny habar berdiler. “Trends in Ecology and Evolution” (TREE) atly žurnalda neşir edilen gözlegde alymlar haýwanlaryň bedeniniň mukdary baradaky muzeý ýazgylaryny we ýabany haýwanlaryň uzak möhletleýin derňewlerini gözden geçirdiler. Gözlegde görnüşleriň organlarynyň we agzalarynyň gysga wagtyň içinde çalt ösýändigine garamazdan, guşlaryň iň köp üýtgeýän görnüşdigi sebäpli köp sanly mysalyň ýüze çykarylandygy habar berildi. Awstraliýada towuklaryň uçýan guşlaryň 1871-nji ýyl bilen deňeşdirilende 4-10 göterim ösendigi habar berildi.
