Russiýanyň Prezidenti Wladimir Putin, izolýasiýa düzgüni sebäpli wideo baglanyşygy arkaly Duşenbe şäherinde geçiriljek Kollektiwleýin howpsuzlyk şertnamasy guramasynyň we Şanhaý hyzmatdaşlyk guramasynyň sammitlerine gatnaşar. Bu barada Russiýanyň döwlet baştutany şu gün Täjigistan Respublikasynyň Prezidenti Emomali Rahmon bilen telefon arkaly söhbetdeşlikde mälim etdi.
“Wladimir Putin daş-töwereginde koronawirus ýüze çykarylan hadysalar bilen baglanyşykly belli bir döwürde öz-özüni izolirlemegiň düzgünini berjaý etmelidigini aýtdy. Şuny göz öňünde tutup, Russiýanyň Prezidenti şu hepde Duşenbe şäherinde meýilleşdirilýän Kollektiwleýin Howpsuzlyk Geňeşiniň mejlisine, Şanhaý Hyzmatdaşlyk Guramasynyň döwlet baştutanlarynyň geňeşiniň mejlisine we döwlet ýolbaşçylarynyň bilelikdäki maslahatyna wideo baglanyşygy arkaly gatnaşar” diýlip, Kremliň metbugat gullugynda habar berilýär.
Russiýanyň we Täjigistanyň Prezidentleri ikitaraplaýyn gatnaşyklaryň käbir möhüm taraplaryny we Owganystandaky wakalar bilen baglanyşykly ýagdaýlary ara alyp maslahatlaşdylar.
