Russiýa Federasiýasynyň döwlet Dumasyna geçirilen saýlawlarda býulletenleriň 90,03 göterimi sanalanda, “Ýedinaýa Rossiýa” partiýasynyň 49,65 göterim ses bilen öňde barýandygy belli boldy. Bu ýarada ýurduň Merkezi saýlaw topary mälim etdi.
Russiýa Federasiýasynyň Kommunistik partiýasy 19,57 göterim, Liberal Demokratik partiýa – 7,51 göterim, “Adalatly Russiýa – hakykat üçin” – 7,38 göterim, “Täze adamlar” – 5,33 göterim ses alýar.
Döwlet Dumasyna saýlawlar üç günüň dowamynda – 17-19-njy sentýabr aralygynda geçirildi. Aşaky palata saýlawlar bilen bir hatarda, Russiýa Federasiýasynyň Çeçenistan, Dagystan, Mordowiýa we Tuwa ýaly dokuz sany sebitiň Prezidentleri üçin göni saýlawlar geçirildi we 39 sebit Parlamenti hem geçirildi.
Russiýada we daşary ýurtlardaky diplomatik wekilhanalarynda hasaba alnan saýlawçylaryň sany 110 milliona ýetýär. Umuman alanyňda, Döwlet Dumasynda 450 orun üçin 14 partiýa bäsleşýär. Esasy bäsdeşler häzirki wagtda Döwlet Dumasynda köp orunlara eýe bolan Prezident Wladimir Putiniň dolandyryjy “Ýedinaýa Rossiýa” partiýasy, şeýle hem Parlamentde wekilçilik edilýän Kommunistik partiýasy, Liberal Demokratik partiýasy we “Adalatly Russiýa” hasaplanýar.
Döwlet Dumasyna saýlawlar her bäş ýylda bir gezek geçirilýär, partiýalaryň sanawynda 5 göterim saýlaw barýeri bilen 225 deputat, galan ýarysy bolsa bir aýlawly saýlaw okruglarynda saýlanýar.
