Soňky tapgyrda Kadis bilen golsuz deňme-deň oýnan Barselonada tälimçi Ronald Kuman gysga wagtda wezipesinden boşadylyp bilner. Onsuzam klubuň başlygy Laporta bilen arasy gowy bolmadyk tälimçiniň meýdançadaky başarnygy-da öwerlikli däl. Messiniň gitmegini esasy sebäp hökmünde görýän tälimçiniň ornuna Belgiýanyň ýygyndysynyň tälimçisi Roberto Martinesiň bellenmegine garaşylýar. Ispan metbugatynyň habar bermegine görä, häzirki wagtda 48 ýaşyndaky ispaniýaly tälimçili bilen eýýämden ilkinji gürrüňdeşlikler geçirilip başlandy. Martinesiň katalon klubunyň teklibi bilen ylalaşýandygy bellenilýär. Ýöne Martinesiň Belgiýanyň milli toparynyň Milletler ligasynyň final tapgyrynda çykyş edýändigi sebäpli oktýabr aýynyň ortalaryna çenli milli ýygyndydaky wezipesinde galmak isleýändigi, Barselonanyň hem muňa razylyk berendigi aýdylýar. Bardy-geldi Martines bilen şertnama baglaşmak başartmadyk ýagdaýynda-da häzirki wagtda Kataryň Al-Sadd toparyna tälim berýän Hawi Hernandesiň ady ikinji alternatiw hökmünde agzalýar.
Kadis bilen bolan duşuşykda gyzyl kart alan Kumanyň Barselonanyň öňümizdäki iki duşuşygyna – Lewante hem-de Atletiko Madrid bilen boljak duşuşyklaryna tribunada tomaşa eder.
