UEFA Çempionlar ligasynda “E” toparçada Bawariýa ýene-de uly hasaply ýeňiş gazandy. Barselonany myhmançylykda 3-0 ýeňen Bawariýa öz meýdançasynda Kiýewiň Dinamosyny 5-0 utdy. Gollary Lewandowski (2), Gnabri, Sane hem-de Çupo-Moting derwezä girizdi. Şu möwsümde ähli ýaryşlarda yzly-yzyna 9-njy ýeňşini gazanan Bawariýa şol oýunlarda 31 gol geçirdi. Bawariýa umumylykda yzygiderli ýagdaýda 81 oýundan bäri gol geçirip gelýär.
