Ýewropa Konferensiýa Ligasynda “G” toparça “Tottenham” topary öz meýdançasynda Sloweniýanyň Mura toparyny 5-1 hasabynda ýeňlişe sezewar etdi. Duşuşykda 59-njy minutda oýna giren Harri Keýn het-trik etdi. Ol 2-1 öňde barýan toparynyň 3-4-5-nji gollaryny (68-nji, 76-njy hem-de 87-nji minutlarda) geçirip, Tottenhamyň uly hasaply ýeňiş gazanmagynda esasy roly oýnady. Beýleki gollary Dele Alli bilen Jowani Lo Çelso derwezä girizdi. Şeýlelikde, Harri Keýn UEFA-nyň 3 klub ýaryşynda hem het-trik eden ilkinji futbolçy boldy. Ol UEFA Çempionlar ligasynda 2017/18 möwsüminde APOEL-Tottenham duşuşygynda 3 gol geçiripdi. Keýn 2014/15 möwsüminde-de Gresiýanyň Asteras Tripoli klubunyň derwezesinden 3 gol geçiripdi.
Ýeri gelende aýtsak, Ýewropa Konferensiýa Ligasynyň birinji duşuşyklarynda-da Romanyň ýyldyzly Lorenzo Pellegrini UEFA-nyň 3 ýaryşynda-da tapawutlanan ilkinji futbolçy bolupdy.
