Ýewropanyň öňdebaryjy çempionatlarynda futbol muşdaklaryna biri-birinden gyzykly duşuşyklar garaşýar. Aýratynam, hemişe bolşy ýaly Angliýanyň Premier Ligasynda 2 duşuşyk öňe saýlanýar. Şu gün soňky tapgyrda utulan Mançester Ýunaýted öz meýdançasynda Ewertony kabul eder. Duşuşyk Aşgabat wagty 16:30-da başlar. Şeýle-de, şu gün geçen tapgyrda utulan Çelsi öz meýdançasynda Southempton bilen duşuşar. Angliýada tapgyryň iň esasy oýny ertir 20:30-da oýnalar. Şondan Liwerpul öz meýdançasynda çempion Mançester Siti bilen güýç synanyşar. Milli toparlaryň duşuşyklary sebäpli 10-12 günlük arakesmä çykmazdan öň Premier Ligada çempionata şowly başlan Tottenam öz meýdançasynda Aston Willany kabul edip, ýeňlişsiz geçen 3 tapgyry soňlandyrmakçy bolýar (18:00).
Madrid-Barselona şäherleriniň toparlary garşylyklaýyn duşuşarlar
Ispaniýada-da bu tapgyrda Madrid şäheri bilen Barselona şäheriniň wekilleri özara duşuşarlar. Şu gün Atletiko Madrid öz meýdançasynda Barselonany kabul etse (00:00), ertir Espanýol Real Madrid bilen duşuşar (19:30).
Serie A-da Lombardiýa derbisi
Italiýada bu gün Turin derbisi oýnalar. 21:00-da başlanjak oýunda Torino öz meýdançasynda Ýuwentus bilen duşuşar. Sassuolo bilen Interiň arasyndaky duşuşyk güni jemleýän oýun bolar (23:45). Ertirki oýunlarda Lombardiýa welaýatynyň iki topary Atalanta bilen Milan 23:45-de duşuşar we bu oýun Türkmenistan sport teleýalymynda-da efire berler. Ertir 21:00-da başlanjak Fiorentina-Napoli duşuşygy-da esasan hem myhmanlar üçin aýratyn bellenmäge mynasypdyr.
Germaniýada şu günki Wolfsburg – Borussiýa M (18:30), ertiki Bawariýa – Aýntraht (20:30) duşuşyklary tapgyryň öňe saýlanýan oýunlary bolar.
Super Klasiko
Günorta Amerikada-da yklymyň iň esasy derbisi – Super Klasiko oýnalyp, Riwer Pleýt köne bäsdeşi Boko Huniors bilen duşuşar. Duşuşyk ýekşenbeden duşenbä geçilýän gije 01:00-da başlar.
Şu günki esasy oýunlar (2-nji oktýabr, şenbe güni):
Mançester Ýunaýted – Ewerton (16:30)
Borussiýa D – Augsburg (18:30)
Wolfsburg – Borussiýa M (18:30)
Çelsi – Southempton (19:00)
Torino – Ýuwentus (21:00)
Sassuolo – Inter (23:45)
Atletiko – Barselona (00:00)
Ertirki esasy oýunlar (3-nji oktýabr, ýekşenbe güni)
Renn – PSŽ (16:00)
Anderleht – Klub Brýugge (16:30)
Tottenham – Aston Willa (18:00)
Espanýol – Real Madrid (19:15)
Bawariýa – Aýntraht (20:30)
Liwerpul – Mançester Siti (20:30)
Fiorentina – Napoli (21:00)
Olimpiakos – Panatinaikos (22:00)
Atalanta – Milan (23:45)
