Premier Liganyň wekili Nýukasl toparynyň eýeleriniň üýtgemeginden soň bu topar dünýäniň iň baý futbol kluby boldy. 1892-nji ýylda esaslandyrylan klubuň täze eýesi Mohammed bin Salmanyň resmi däl maglumatlara görä, 320 milliard funt sterlingden gowrak baýlygy bar. Salman klubuň 80 göterimlik paýnamasyny 300 million funt sterlinge satyn alypdy.
Nýukasl topary Angliýanyň Birinji Diwiziýasynda (häzirki Premier Ligada) şu wagta çenli 4 gezek çempionlyk gazandy. Duşuşyklaryny 52 387 orunlyk St. James’ Park stadionynda oýnaýan topara häzirki wagtda Stiw Brýus tälim berýär. 7 tapgyrda 3 utuk toplan topar 19-njy orunda barýar. Toparyň bazar gymmaty 245,40 million ýewro deň bolan topary arap konsorsiýumy 2 ýyl mundan ozal hem satyn almakçy bolupdy. Nýukasl topary FA Kubogyny 6 gezek eýeledi. Ikinji ligada (Championship) 4 gezek çempion bolan klub Ýewropada-da Intertoto kubogyny gazanypdy.
