Angliýanyň Premier Ligasynda sentýabr aýynyň iň ökde futbolçysy mälim edildi. 3 oýunda 3 gol geçiren Mançester Ýunaýtediň portugaliýaly super ýyldyzy Kristiano Ronaldo sentýabr aýynyň futbolçysy diýlip saýlandy. 36 ýaşyndaky futbolçy bu ugurda watandaşy Žoao Kanselodan (Man. Siti), Antonio Rudigerden (Çelsi), Mohamed Salahdan (Liwerpul), Allan Sen-Maksimenden (Nýukasl) hem-de Ismaila Sarrdan (Watford) öňe saýlandy. 13 ýyldan soň Premier Liga dolanan Ronaldo soňky gezek bu çempionatda 2008-nji ýylda aýyň futbolçysy saýlanypdy.
Sentýabr aýynyň tälimçisi diýlibem Arsenalyň ispaniýaly tälimçisi Mikel Arteta saýlandy.
