UEFA Milletler Ligasynda üçünji ýer ugrundaky oýunda ýerli Italiýanyň ýygyndysy bilen Belgiýanyň ýygyndysy duşuşdy. Turindäki “Ýuwentus” stadionynda oýnalan oýunda ýer eýeleri 2-1 hasabynda ýeňiş gazandy. Birinji ýarymy golsuz geçen duşuşygyň 2-nji ýarymynyň ilkinji minutlarynda Nikola Barella italýanlary öňe saýlady. Bu gol Italiýanyň ýygyndysynyň Roberto Mançininiň tälimçiligindäki 100-nji goly boldy. Oýnuň 65-nji minutynda-da eminiň bellän penalti urgusyny Dominiko Berardi dürs urup, hasaby 2-0-a çykardy. Duşuşygyň 86-njy minutynda tapawutlanan belgiýaly ýaş futbolçy Şarl De Keteleriň goly ýeterlik bolmady. Şeýlelikde, Italiýanyň ýygyndysy 2-1 hasabynda ýeňiş gazanyp, Milletler Ligasynda 3-nji orny eýeledi. Bu ýeňiş Italiýanyň ýygyndysynyň Mançiniň tälimçiligindäki 44-nji duşuşygynda 30-njy ýeňşi boldy.
