Iki sany tehnologiýa ägirdi “Apple” hem-de “Samsung” ýakynda öz önümlerini tanyşdyrar. “Apple” kompaniýasy şu aýyň 18-ine “Unleashed” atly tanyşdyryş çäresini geçirjekdigini mälim etdi. Onuň yzysüre “Samsung” hem 20-nji oktýabrda “Unpacked 2” atly çäräni geçirjekdigini aýan etdi. “iPhone”, “iPad” we “Mac” ýaly mobil enjamlary öndürýän kompaniýa bu dabarada birden köp enjamyny köpçülige görkezjekdigini mälim etdi. Dabarada “M1X” mikroprosessorly “MacBook Air”, “MacBook Pro” we “Mac Mini” modelleriniň hem-de “AirPods 3” gulaklygynyň tanyşdyrylmagyna garaşylýar. Şeýle hem çärede “macOS 12 Monterey” amaly ulgamynyň çykjak wagtynyň mälim edilmegine garaşylýar. Iki kompaniýa tehnologiýa babatda iň uly bäsdeşler hasaplanýar.
Koreý brendiniň tanyşdyryş dabarasynda bolsa, “OneUI 4.0” we “Galaxy S21 FE” enjamlary görkeziler.
Soňky ýyllarda pandemiýa sebäpli şeýle çäreler onlaýn usulda geçirilýär.
