Saud Arabystanynda geçirilýän iň uly festiwallaryň biri başlady. Er-Riýad möwsümi atly şüweleňiň açylyşyna bagyşlanan dabaralara 500 müňden gowrak adam gatnaşdy. Ýurduň paýtagtynyň 14 ýerinde geçiriljek festiwalyň çäklerinde daşary ýurtly sungat ussatlary hem çykyş eder. Jemi 70 konsert, 350-den köp teatr oýunlary, 10-dan gowrak halkara sergi, 2 halkara futbol duşuşygy we göreş ýaryşy geçiriler. Festiwal geljek ýylyň martyna çenli dowam eder. Festiwalyň çäginde 7 müň 500-den gowrak dürli çäreler geçiriler.
