Germaniýanyň Kubogy ýaryşynda garaşylmadyk netije hasaba alyndy. Iki köne bäsdeşiň duşuşygynda Borussiýa M topary ýaryşyň 2-nji tapgyrynda (1/16 finalynda) öz meýdançasynda Bawariýany 5-0 hasabynda ýeňdi. Gollary 2-nji minutda Kone, 15-nji we 21-nji (p) minutlarda Bensebaini, 51-nji we 57-nji minutlarda Embolo derwezä girizdi. Şeýlelikde, Bawariýa yzly-yzyna 2-nji möwsümde kubok ýaryşynda 2-nji tapgyrda utuldy. Şeýlede, Bawariýa soňky 43 ýylda ilkinji gezek 5 gol aratapawudy bilen ýeňlipdi. Bawariýa 1978-nji ýylda Fortuna toparyndan 7-1 asgyn gelipdi.
Bawariýanyň tälimçisi Nagelssman kowid sebäpli toparynyň ýanynda bolup bilmedi.
Borussiýa M toparynyň tälimçisi Adi Hütter 2019-njy ýylyň noýabrynda Aýntrahtyň tälimçisi mahaly hem Bawariýany 5 golly hasap bilen (5-1) ýeňipdi.
