Mundan iki hepde ozal Ronald Kumany wezipesinden boşadan Barselona toparynyň täze tälimçisi belli boldy. Bu barada klub tarapyndan resmi ýagdaýda habar berildi. Habarda Barselonanyň täze tälimçi wezipesine Hawi Hernandesiň bellenendigi mälim edildi. Bu barada Kataryň Al Sadd kluby bilen ylalaşyk gazanylandygy habar berildi. Gerekli tölegler we beýleki zatlar ählisi bababatda ylalaşyk gazanylandygy beýan edildi. Şeýlelikde, Hawi gözýaşlary bilen hoşlaşyp gaýdan toparyna tälimçi hökmünde dolandy. Onuň näçe ýyllyk şertnama baglaşandygy we näçeräk hak aljakdygy ýakynda belli bolar.
