“Sportico” şereketi ähli döwürleriň iň köp pul gazanan türgenleriniň sanawyny mälim etdi. 12 türgen karýeralary boýunça azyndan 1 milliard dollardan köp girdeji gazandylar. Olaryň gazançlary sportdan, şol bir wagtda-da mahabatlardan hem-de ýöredýän beýleki girdeji çeşmelerinden ybarat bolup, 12 türgeniň 4-si golfçy, 3-si futbolçy, 2-si basketbolçydyr. Şeýle-de sportuň boks, F1, tennis görnüşlerinden-de 1 türgeniň ady bar.
Sanawda 1-nji orny amerikaly meşhur basketbolçy, super ýyldyz Maýkl Jordan bolup, onuň şu wagta çenli gazanany 2,62 milliard dollar gazanypdyr. Öňdäki 4 orny amerikaly türgenler eýeläp, olaryň 3-si tanymal golfçulardyr. 2-nji ýerde belli golfçy Taýger Wudsuň ady bolup, durmuşy gopgunlardan doly bolan Wuds şu wagta çenli 2,1 milliard dollarlyk gazanç edipdir. 3-nji – 4-nji ýerleri Arnold Palmer bilen Jek Niklaus eýeleýär. Olar degişlilikde 1,5 milliard hem-de 1,38 milliard dollar gazanypdyrlar.
5-nji orunda super ýyldyz, portugaliýaly futbolçy Kristiano Ronaldo bolup, onuň 1 milliard 240 million dollarlyk gazanjy bar. 6-7-nji ýerlerde ýene-de amerikaly türgenler – boksçy Floýd Meýwezer (1,2 milliard dollar) bilen basketbolçy LeBron Jeýms (1,17 milliard dollar) orun aldylar
8-nji basgançagy Lionel Messi eýeläp, argentinaly super ýyldyz karýerasy boýunça 1,14 milliard dollarlyk girdeji toplady. Köp wagtdan bäri agyr ýagdaýda ýatan germaniýaly F1 sürüjisi Mihael Şumaher, şweýsariýaly tennisçi Rojer Federer, amerikaly golfçy Fil Mikelson hem-de Angliýaly Dewid Bekham sport karýeralarynda sportdan we daşyndan gazanan girdejileri bilen gazançlaryny 1 milliard dollardan geçiren türgenlerdir.
Ähli döwürleriň iň köp pul gazanan türgenleri (Sportico):
Maýkl Jordan (ABŞ) – 2,62 milliard $
Taýger Wuds (ABŞ) – 2,1 milliard $
Arnold Palmer (ABŞ) – 1,5 milliard $
Jek Niklaus (ABŞ) – 1,38 milliard $
Kristiano Ronaldo (Portugaliýa) – 1,24 milliard $
Floýd Meýwezer (ABŞ) – 1,2 milliard $
LeBron Jeýms (ABŞ) – 1,17 milliard $
Lionel Messi (Argentina) – 1,14 milliard $
Mihael Şumaher (Germaniýa) – 1,13 milliard $
Rojer Federer (Şweýsariýa) – 1,12 milliard $
Fil Mikelson (ABŞ) – 1,08 milliard $
Dewid Bekham (Angliýa) – 1,05 milliard $
