Norwegiýada guruljakdygy yglan edilen dünýäniň iň uly ýahtasy “Somnio”-nyň jikme-jik suratlary ýaýradyldy. 2024-nji ýylda satuwa çykarylanda dünýädäki iň uly hususy ýahtalaryň biri boljak ýahtadaky 39 kaşaň otagyň hersiniň 11,2 million dollardygy mälim edildi. Özboluşly otaglary bilen dünýäde ilkinji “ýahta gämisi” hasaplanýan “Somnio”-nyň uzynlygy 222 metre deň.
Meýdany 160-dan 650 inedördül metre çenli jaýlaryň bahasy 11 million dollardan başlasa-da, iň uly otagy ýokarky gatyň köp bölegini eýeleýändigi nygtaldy. Latyn dilinde “düýş görmek” diýmegi aňladýan ýahta Şwesiýanyň “Winch Design”, “Tillberg Design” tarapyndan dizaýn edilýär. Ýahta Norwegiýanyň VARD kompaniýasy tarapyndan gurulýar. “Dünýäniň iň aýratyn salgysy” hökmünde kesgitlenen gämiden otagy bronlamak, satyn almak üçin üç aý öňünden ýüz tutmaly. Taslamanyň esaslandyryjysynyň aýtmagyna görä, “Somnio”-nyň satuwynyň şu ýylyň başynda işe başlaly bäri ägirt uly gyzyklanma döredipdir we käbir otaglaryň eýýäm satylypdyr.
