Hytaýyň “Xpeng” kompaniýasy täze SUV ulagyny tanyşdyrdy. P9 atly elektroulagyň halkara bazarda satuwa çykaryljakdygy mälim edildi. Kompaniýanyň ýolbaşçylary ulagyň 5 minutlyk zarýady bilen 200 kilometre çenli ýol geçip bilýändigini belleýärler. Bu ulag kompaniýanyň halkara bazara hödürlän ilkinji elektroulagy bolar. Kompaniýa G9 atly ýene bir elektrokary 2022-nji ýylyň üçünji çärýeginde hytaý bazaryna hödürlär.
G9 modeliniň “Xpilot” atly ýarymawtonom sürüş ulgamyny, Lidar tehnologiýasy we “Nvidia” çipleri bilen üpjün ediljekdigi mälim edildi.
