Angliýanyň çempionaty Premier Ligada 15-nji tapgyrda Nýukasl öz meýdançasynda Býornlini 1-0 ýeňdi. Nýukasl toparyna ýeňiş getiren ýeke-täk pökgini 40-njy minutda Kallum Wilson öz adyna ýazdyrdy. Şeýlelikde, dünýäniň iň baý kluby diýlip görkezilýän Nýukasl şu möwsümde ilkinji ýeňşini gazandy. 15-nji tapgyra çenli 7 gezek deňme-deň oýnap, 7 gezek hem utulan topar bu ýeňişden soň 19-njy orna beýgeldi. Golaýda arap işewürleriniň eýeçiligine geçen klub häzirki wagtda dünýäniň iň baý kluby hasaplanýar.
