UEFA Çempionlar Ligasynda Ýewropa Ligasynda çykyş etjekdigi ozal belli bolan Dortmundyň Borussiýasy öz meýdançasynda Beşiktaşy 5-0 utdy. Nemes klubunyň gollaryny Malen, Roýs (2) hem-de Holann (2) geçirdi. Beşiktaş topary Çempionlar Ligasyny utuksyz tamamlan 21-nji klub hökmünde hasaba alyndy. Ondan öň Kosise, Fenerbahçe, Spartak Moskwa, Anderleht, Rapid Wien, Lewski Sofiýa, Dinamo Kiýew, Makkabi Haýfa, Debreseni, Žilina, Partizan, Wilýarreal, Oselul Galasi, Dinamo Zagreb (2 gezek), Marsel, Makkabi Tel-Awiw, Klub Brýugge, Benfika, AEK toparlary toparçadaky 6 oýunda bir utuk hem gazanyp bilmändiler. Şolardan gol aratapawudy (geçiren we geçirden gollary boýunça) iň ýaramaz netije görkezen klub -19 gol bilen Dinamo Zagrebdir. Horwat topary 2 gezek toparçada utuk gazanyp bilmedik ýeke-täk klub bolup, olar 2011/12 möwsüminde -19 gol aratapawudy bilen çykyş etdiler. Moskwanyň Spartagy -17 gol, şeýle-de Lewski Sofiýa, Žilina, Beşiktaş toparlary-da geçiren gollary bilen geçirden gollarynyň arasynda -16 gol tapawut boldy.
