UEFA Çempionlar Ligasyndan soň UEFA Ýewropa Ligasynda pleý-off tapgyrynyň bijeleri çekildi. Pleý-off tapgyry Ýewropa Ligasynda toparçalarda 2-nji ýeri eýelänler bilen Çempionlar Ligasynda toparçalarda 3-nji orny alanlaryň arasynda bolup, birinji duşuşyklar 17-nji fewralda, jogap oýunlary 24-nji fewralda oýnalar. Bijede 20 ýyldan soň Çempionlar Ligasynda toparçalardan çykyp bilmedik Barselona Ýewropa Ligasynyň pleý-off tapgyrynda Napoli bilen bije çekişer. Başgaça aýdylanda, merhum Maradonanyň iki ozalky kluby özara duşuşarlar.
Bu tapgyryň ýeňijileri-de Ýewropa Ligasynyň toparçalarynda birinji orny eýelänler bilen bije çekişer. Ýagny 1/8 finalyň bijeleri bolsa 25-nji fewralda atylar.
Ýewropa Ligasynda pleý-off tapgyrynyň bijeleri:
Sewilýa – Dinamo Zagreb
Atalanta – Olimpiakos
Leipsig – Real Sosiedad
Barselona – Napoli
Zenit – Betis
Borussiýa Dortmund – Reýnjers
Şerif – Braga
Porto – Lasio
