Ýaponiýada görkezýän zadynyň tagamyny alyp bolýan telewizor işlenip taýýarlandy. “Taste the TV” (Telewizoryň tagamyny dat!) atly enjamyň içinde dürli ysly spreýler bar. Tomaşaçy telewizoryň ekranynyň ýüzündäki gigiýeniki taýdan arassa plýonkany ýalap, islendik zadyň tagamyny dadyp bilýär. Nusgalyk görnüşde taýýarlanan ekran barada Meiji uniwersitetiniň professory Homeý Miýaşita pandemiýa döwründe şeýle tehnologiýalaryň adamlary daşky dünýä bilen gatnaşygyny güýçlendirjekdigini belledi. Professor we onuň 30 talyby dürli naharlaryň tagamyny berýän harytlary taýýarlaýar. Bu tagamlaryň arasynda çarşagyň tagamy hem göz öňünde tutulypdyr. Enjam häzirlikçe görkezilýän zadyň tagamyny bermeýär. Ondan tagam almak üçin islän zadyň adyny aýtmak ýeterlik. Mysal üçin, şokolodyň tagamyny almak üçin “şokolod” diýmek ýeterlik. Ekran tomaşaçynyň sözüni birnäçe gezek gaýtalandan soňra ekranda şokolodyň tagamy peýda bolýar.
Döwletgeldi Allagulyýew,
S.A.Nyýazow adyndaky Türkmen oba hojalyk uniwersitetiniň talyby.
